موضوع: البنت الناعمة ..والبنت الدفشة الإثنين مايو 21, 2007 10:45 am
البنت الناعمة طبعا هذه البنت وهي نايمه في غرفتها الدبدوب والارنوب كلهم في احضانها واذا قامت من النوم ماتقوم الا الساعه وحده الظهر واللي تقعدها من النوم والشغاله طبعا تكلمها بالانجليزي بترجم لكم شنو قالت لها الخدامه..تقول قومي ماما وقت واجد تأخير ..والناعمه اول ماتصحى من النوم تفتح الستاره والشباك علشان الغرفه تتنفس وشغلت موسيقى رومانسيه عشان يكون الجو رايق وتاخذ حمام محترم وبعد ماتطلع من الحمام على المرايه تحط من هالكريمات ..لازم تحافظ على البشره..خلصت من المرايه وتتجه الان الى الاستشوار وبعدين تلبس البنطلون الجنز والبلوزه..وتنزل تاكل الفطور اللي يكون عباره عن كلوب ساندويش وعصير فريش
البنت الدفشه تقوم الساعه 8 الصبح وهي ماودها تقوم وتدخل امها عليها بالغرفه وتصرخ عليها قومي شبعتي نوم وترد الدفشه على امها ..زين زين الحين بقعد وتقعد تأففففففف ويطلع من فمها نار....الاضافه الى انها وهي نايمه كل دقيقه تطيح من على السرير ..وبعدين يدخل اخوها الصغير ويصرخ وجع يالله كفايه نوم.. وترد عليه :اطلع من الغرفه والا ارميك من الشباك الحين..المهم اخوها اللي اكبر منها يروح لها الغرفه يرفسها وبعد تلك الرفسه العنيفه تصحى من النوم
البنت الناعمة ماتتغدا الا الساعه4 ولا 5 ولا تتغدى الا على صيني وهندي ايطالي والماني معدتها ماتستقبل اي شي
البنت الدفشه تتغدا الساعه 12 بالضبط ولا تتغدا الا كبسه ولحم او دجاج واذا خلصت تشرب البيبسي شربه وحده مافي مجال انها تتنفس ..وماتسمع الا اصوات مخفيه
البنت الناعمه طلعتها تكون من بعد صلاة المغرب ماتطلع العصر تحافظ على البشره من ضوء الشمس
البنت الدفشه ممثلها المفضل بوهلال وعبدالناصر درويش ومطربها المفضل خالد الملا ومزعل فرحان..<اتمنى ماشي اساءة لاحد،،والسموحة>... البنت الناعمه لما تتفرج على التلفزيون تقعد على كرسي وتحط رجل على رجل وتبتسم لان الابتسامه تضفي بشاشه على الوجه
البنت الدفشه تتسدح على الارض وتحط راسها على المخده وتمد رجلها وتحطها على التلفزيون واذا تبي تغير القناه دقت بأصبع رجلها وغيرت القناه
البنت الناعمه اذا تبي تحلم احلام اليقضه طلعت في حديقة بيتهم وقعدت على كرسي هزاز وقام الكرسي يروح ويرجع
البنت الدفشه تروح بالحوش وتمد السجاده اللي فيها خمسة وثلاثين لون احمر واسود وابيض وجابت كاس سته متر متروسه شاي
.-* طبيب الهوى *-.
عدد الرسائل : 27 العمر : 36 تاريخ التسجيل : 08/07/2007
موضوع: رد: البنت الناعمة ..والبنت الدفشة الأحد يوليو 08, 2007 8:28 am
يحرء حريشك عن جد ماعاد فيني يعني يمكن ينفجرو كلاويي من الضحك يسلمووووووووو كتير كتير كلك زوء بس انا اكتر شي عجني الرفسه هههههههههههههههههههههههههههههههههههه ال رفسه من اخوها ال هههههههههههههههههههههههههههههههههههه
الإثنين مايو 21, 2007 10:45 am
